Рамсторе Македонија, на 27 јули во Петок во Куманово го отвори четвртиот маркет од форматот „Рамстор Експрес„.

Маркетот се простира на 260 м2 продажна површина, 240 м2 магацин со вкупно 12 вработени и две наплатни каси.

Експрес маркетите се замислени со таа цел да овозможат побрзо пазарување на помала површина. Во маркетот се нудат 3.500 производи од различни брендови кои би ги задоволиле основните потреби на купувачите, а покрај свежото овошје и зеленчук се продава и пакувано месо.

Покрај тоа што на своите купувачи им овозможува да заштедат време,  “Рамстор Експрес” нуди бројни кампањи и попусти.

По повод отворањето на маркетот,  купувачите ќе можат да ги искористат атрактивните кампањи во следните 11 дена.

Рамсторе Експрес ќе продолжи да расте со тоа што ќе се отворат маркети и во другите градови низ Македонија, со цел на купувачите да им се понуди квалитетна и разновидна лепеза на производи.

Маркетот се наоѓа на улица Христијан Тодоровски Карпош бр. 97 во Куманово.