Рамсторе се вклучи и постојано ја подржува акцијата за помош на граѓаните погодени од силното невреме кое зафати делови од Скопје со донирање на 200 пакети со основни прехрамбени продукти и средства за хигиена.

Донацијата е доставена до магацинот на Црвениот Крст на Р.Македонија од каде ќе биде распределена до сите жители кои беа погодени од оваа елементарна непогода.

Тимот на Рамсторе е во постојана комуникација со надлежните служби и институции и како општествено одговорна компанија ќе продолжиме да придонесуваме се што е потребно за лицата на кои што им е неопходна помош-изјавуваат од Рамсторе.

Рамсторе Македонија го изразува своето длабоко сочуство до семејствата кои ги загубија своите сакани за време на поплавите. Се надеваме дека сите оние кои беа повредени или затечени со оваа катастрофа ќе имаат брзо заздравување.